ملتان ( نمائندہ خصوصی)  چیئرمین آل پاکستان انجمن تاجران خواجہ محمد شفیق کا بھانجا میجرسعد نعمانی افریقی ملک کانگو میں ہیلی کاپٹر کریش ہونے سے شہید ہوگئے‘ میت ایک دو روز میں ملتان پہنچے گی۔ تفصیلات کے مطابق معروف تاجر رہنما چیئرمین آل پاکستان انجمن تاجران خواجہ محمد شفیق،سابق ڈائریکٹر لوکل گورنمنٹ خواجہ محمد انور،خواجہ محمد اشرف کے بھانجے ریٹائرڈ میجر اے ڈی نعمانی کے صاحبزادے میجر سعد نعمانی کا تعلق گارڈن ٹاؤن ملتان سے بتایا گیا میجر سعد نعمانی نے تین بیٹے اور ایک بیوی سوگوار چھوڑی ہے بتایا گیا ہے کہ میجر سعد نعمانی نے اگلے ماہ ملتان بیٹے کی سالگرہ کے سلسلہ میں آنا تھا لیکن قدرت نے موقع نہ دیا ان کی میت ایک دوروز میں ملتان پہنچے گی اس سلسلہ میں چیمبر آف سمال ٹریڈرز ملتان کا ہنگامی تعزیتی اجلاس بھی منعقد ہوا اجلاس میں خواجہ محمد شفیق کے بھانجے میجر سعد نعمانی کی ہیلی کاپٹر حادثے میں وفات پر گہرے دکھ و رنج کا اظہار کرتے ہوئے خواجہ محمد شفیق اور ان کے اہل خانہ سے اظہار تعزیت کیا گیا اور ان کے بلندی درجات کے لئے دعا کی گئی۔
سعد نعمانی