لاہور(سپورٹس رپورٹر ) پاکستان کے محمد مجاہد کے گھوڑے نے شارجہ میں ہونے والے آکسیٹائن انٹرنیشنل عربین شو میں سلور میڈل جیت کر دوسری پوزیشن حاصل کی ۔ محمد مجاہد کا گھوڑا پوڈیم میں سب سے اوپر تھا جس نے پہلے نمبر پر آنے والے سے کچھ ہی کم پوائنٹس حاصل کئے اور مقابلے میں دوسری پوزیشن لینے میں کامیاب ہوا ۔ مقابلے میں ہر گھوڑے کو اس کی نمایاں جمالیاتی خصوصیات پر پر کھا گیا ،، بشمول اس کے سر، گردن، سینے، جسم اور پائوں کیساتھ ساتھ اس کے جسم کی ہم آہنگی اور اس کی چستی، بین الاقوامی شہرت یافتہ ماہر ججوں کی کمیٹی کے سامنے پیش کی گئیں ۔