گوجرانوالہ(نمائندہ خصوصی)سنی اتحاد کونسل کے صوبائی سیکرٹری اطلاعات الحاج مولانا محمد اکبر نقشبندی نے مسلمانوں کے عظیم سپہ سالار اللہ کی تلوار حضرت خالد بن ولید کے یوم وصال کے حوالے سے منعقدہ تقریب سے خطاب کرتے ہوئے کہا ہے کہ حضرت خالد بن ولید جرات و بہادری اور جنگی حکمت عملی میں اپنی مثال آپ تھے،آپ نے کفار کے خلاف جنگوں میں اپنے سے کئی گنا بڑے لشکروں کو شکست فاش دی۔آپ اللہ کی تلواروں میں ایک تلوار تھے،آپ نے ہمیشہ شہادت کی آرزو کی لیکن پوری نہ ہو سکی،جب حضرت خالد بن ولید بستر مرگ پر تھے تو آپ نے فرمایا کہ اگر موت جنگ کے میدان میں ہوتی تو آج خالد بن ولید بستر پر نہ مرتا۔اس موقع پر الحاج سرفراز احمد تارڑ، اور دیگر نے خطاب کیا۔