کلر سیداں،مویشی چوری ،نقب زنی میں ملوث چھ رکنی گینگ گرفتار

 کلر سیداں (نامہ نگار)کلر سیداں پولیس کی اہم کارروائی، مویشی چوری اور نقب زنی کی وارداتوں میں ملوث چھ رکنی گینگ گرفتار،لاکھوں روپے کی نقدی،گھروں اور دکانوں سے چوری ہونے والی اشیاء اور ہزاروں روپے مالیت کی گندم برآمد کر لی گئی۔ملزمان مویشی چوری کر کے ذبحہ کرتے اور گوشت فروخت کر دیتے تھے۔مویشی چوری کے علاوہ گھروں اور دکانوں سے بھی چوری کی وارداتیں کرتے تھے۔ملزمان کی شناخت غلام مرتضی سکنہ موہڑہ بختاں،عاطف زراق سکنہ کلری روات،ذیشان عرف شانی سکنہ چنام،طہمان عرف سائین عامر حال مقیم ساگری،سلیمان لیاقت سکنہ تریل اور عمران سکنہ چنام کے نام سے ہوئی ہے۔ملزمان نے کلر سیداں اور دیگر تھانوں کے علاقے میں بھی وارداتوں کا انکشاف کیا ہے۔