راولپنڈی (اپنے سٹاف رپورٹرسے)پی پی 18 سے مسلم لیگ ن کے سینئر رہنما چوہدری انعام ظفر کی جانب سے پی پی 17-18سے تعلق رکھنے والے سابق چیئرمینوں،وائس چیئرمینوں معززین علاقہ اور سینئیر صحافیوں کے اعزاز میں دیئے گئے پر تکلف افطار ڈنر میں سابق چیئرمین غیور بٹ، شیخ ارشد، چوہدری طارق، عامر الدین میر، چنگیز خان، چوہدری زبیر، نمبردار جہانگیر، ملک اسحاق، ملک وسیم، سجادظہیر بھٹی، راجہ خلیل، جبران رفاقت، حاجی جمیل اختر، راجہ اسرار،آصف ظہور سیٹھی، صالحین قریشی، ملک شفیق، چوہدری وجاہت اکرام، سردار نذیر کشمیری، شیخ تنویر، سیف الرحمان، طارق بھولا سمیت کثیر تعداد میں معززین علاقہ اور سینئیر صحافیوں نے شرکت کی اس موقع پر شرکا نے میزبان چوہدری انعام ظفر کا شکریہ ادا کرتے ہوئے کہا کہ حالیہ انتخابات کے بعد راولپنڈی شہر میں مسلم لیگ ن کی مقامی قیادت اور منتخب نمائندوں کی جانب سے طویل خاموشی اختیار کرلی گئی ہے اس موقع پر چوہدری انعام ظفر نے ہمیشہ کی طرح اپنی روایت کو برقرار رکھتے ہوئے مسلم لیگی کارکنوں کے اعزاز میں افطار ڈنر کا اہتمام کرکے ناصرف اس خاموشی کو توڑا بلکہ سب کو ایک بار پھراکٹھا کردیا یہی وجہ ہے کہ چوہدری انعام ظفر راولپنڈی مسلم لیگ ن میں اپنا ایک الگ مقام اور حیثیت رکھتے ہیں اور مسلم لیگ ن کو متحرک رکھنے میں اپنا ہر ممکن کردار ادا کرتے ہیں آخر میں میزبان چوہدری انعام ظفر نے تمام شرکا کا شکریہ ادا کیا۔