پیرس (اے ایف پی) پیرس میں جاری فرنچ اوپن کے تیسرے رائونڈ میں گزشتہ روز سوئٹزرلینڈ کے راجر فیڈرر‘ امریکہ کی سرینا ولیمز‘ سربیا کی جیلینا جانکووچ نے چوتھے رائونڈ میں جگہ بنالی جبکہ سربیا کے نووک ڈجکووچ اور روس کی ایلینا ڈیمینٹوا شکست کے بعد ٹورنامنٹ سے باہر ہو گئے۔ دیگر مقابلوں میں امریکہ کے اینڈی راڈک‘ فرانس کے گیل مونفلس روس کی سوٹیلانا کزنٹسوا اور بیلارس کی وکٹوریہ آذرنیکا نے بھی اپنے اپنے میچ جیت کر اگلے رائونڈ تک رسائی حاصل کی۔ گزشتہ روز تیسرے رائونڈ میں راجر فیڈرر فرانس کے پال ہینری کو 6-4‘ 6-1‘ 4-6‘ اینڈی نے فرانس کے مارک کو 6-4‘ 6-4‘ 6-4‘ امریکہ کی سرینا ولیمز نے سپین کی ماریہ جوسی کو 6-4‘ 6-3‘ 4-6‘ سربیا کی جیلینا جانکووچ نے آسٹریلیا کی جرمیلا کو 6-1‘ 6-1‘ سے شکست دی۔