لاہور (سپیشل رپورٹر) گورنر پنجاب سردار محمد لطیف خاں کھوسہ نے کہا ہے کہ امام خمینی ایک ایسی عظیم شخصیت تھے جنہوں نے اسلامی انقلاب کی بنیاد ڈالی ۔ یہ باتیں انہوں نے گزشتہ روز ایرانی امام خمینی کی 23 ویں برسی کی مناسبت سے سمینار سے خطاب کر تے ہوئے کہیں۔ انہوں نے کہا امام خمینی نے اس انقلاب کو صرف محراب منبر تک محدود نہ رکھا ۔ ایران کے صوبہ فارس کے گورنر حسین صادق عابدین نے خطاب کر تے ہوئے کہا انقلاب ایران ایک تاریخی لمحہ ہے اور آجکل اسلامی ممالک میں تبدیلی کی جو لہر ہے یہ سب انقلاب ایران کے اثرات ہیں۔ سیمینار سے علامہ علی اکبر الظہری، علامہ زبیر احمد ظہیر، علامہ احمد علی قصوری، الحاج حسن رضا غدیری، علامہ قاضی نیاز حسین نقوی اور دیگر نے خطاب کیا۔ قبل ازیں ایرانی صوبہ فارس کے گورنر کے 10 رکنی وفد نے گورنر ہاوس میں گورنر پنجاب سے ملاقات کی اور باہمی امور پر تبادلہ خیال کیا۔