انٹر یونٹ بیڈمنٹن ٹورنامنٹ واپڈا کے نام

لاہور (سپورٹس رپورٹر) نیشنل ٹرانسمشن اینڈ ڈسپیچ کمپنی لمیٹڈ (این ٹی ڈی سی ایل) کی ٹیم نے واپڈا انٹر یونٹ بیڈمنٹن ٹورنامنٹ 124پوائنٹس کے ساتھ جیت لیا۔ چار روزہ ٹورنامنٹ اسلام آباد الیکٹرک سپلائی کمپنی (آئیسکو) کے زیراہتمام روڈم ہال پاکستان سپورٹس بورڈ اسلام آباد میں منعقد ہوا۔ ٹورنامنٹ میں ملک بھر سے پاور ڈسٹری بیوشن کمپنیوں اور جنریشن کمپنیوں کے کھلاڑیوں نے شرکت کی۔ این ٹی ڈی سی کے کھلاڑیوں نے مردوں، خواتین اور آفیسرز کے سنگل اور ڈبل مقابلے واضح برتری سے جیتے۔