پاکستانی ہاکی فیڈریشن اور بڈز میں کوالیفائی کرنیوالی پارٹیز کے درمیان پہلا اجلاس، ہاکی لیگ سے متعلق امور پر غور

لاہور(سپورٹس رپورٹر) پاکستان ہاکی لیگ کے انعقاد کے سلسلہ میں پاکستان ہاکی فیڈریشن اور بڈز میں کوالیفائی کرنے والی پارٹیز کے درمیان پہلا اجلاس گذشتہ روز شہباز سینئر کی زیر صدارت لاہور میں منعقد ہوا۔ شہباز سینئر کا کہنا تھا کہ پاکستان کے میگا ایونٹ کے انعقاد کے سلسلہ میں مثبت پیش رفت ہوئی ہے۔ ان کا کہنا تھا کہ پاکستان ہاکی لیگ قومی کھیل کو ترقی دینے میں مددگار ثابت ہوگی۔ ان کا کہنا تھا کہ لوگوں نے بڑی تعداد میں پاکستان ہاکی لیگ میں دلچسپی کا اظہار کیا ہے۔ امید ہے کہ لیگ سے قومی کھیل شاندار ماضی کو واپس حاصل کرنے میں کامیاب ہو جائے گا۔