لاہور(سپورٹس رپورٹر) پانچویں ایشین بیچ گیمز ویتنام کے شہر دانانگ میں 24 ستمبر سے 3 اکتوبر تک منعقد ہوں گے۔ اس سلسلے میں رکن ممالک کے چیف دی مشن کا اجلاس کل بدھ کو ویتنام کے شہر دانانگ میں ہو گا جس میں گیمز کے تمام انتظامات سمیت تیاریو ں، کھیلو ں کے مقامات پر موجودہ سہولیات اور کھلاڑیوں کے رہائشی انتظامات کا بھی جائزہ لیا جائے گا۔ پاکستان اولمپک ایسوسی ایشن (پی او اے) کے صدر لیفٹیننٹ جنرل (ر) سید عارف حسن نے احمد علی راجپوت سیکرٹری جنرل سندھ اولمپک ایسو سی ایشن کو چیف ڈی مشن نامزد کیا ہے اور وہ ویتنام میں منعقد ہونے والے چیف دی مشن کے اجلاس میں پاکستان کی نمائندگی کریں گے۔