لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا۔ ڈاکوؤں نیغازی آباد میںمبشر اعو ان کے گھر گھس کر اہلخانہ کو گن پوائنٹ پر یرغمال بنا کر 7 لاکھ، ہربنس پورہ کے علاقہ میں توصیف کے گھر سے 5 لاکھ، چوہنگ میں جمیل کے گھر سے 3 لا کھ، ستوکتلہ کے علا قہ میںظفرکے گھر سے ڈھائی لاکھکی نقدی، طلائی زیورات،موبائل فون اور دیگر سامان ،جوہر ٹائون میں حمید اور اس کی فیملی سے ساڑھے 6 لاکھ، داتا دربار میں بابر کی فیملی کو یرغمال بنا کر ڈھائی لاکھ، مناواں میں ندیم اور اس کی فیملی سے 2 لاکھ، اقبال ٹائون میں شیخ بابر اور اس کی فیملی سے ایک لاکھ،گلشن اقبال میں حبیب اور اس کی فیملی سے 80 ہزار کی نقدی، طلائی زیورات اورموبائل فون، شمالی چھائونی میں ندیم سے 2 لاکھ 90 ہزار کی ملکی وغیر ملکی کرنسی، چوہنگ میںشفاقت کے پی سی او سے 2لاکھ 55 ہزار کی نقدی، موبائل فون اور کالنگ کارڈز ، لوئرمال میں نسیم سے 50 ہزار اور موبائل فون لوٹ لیا۔ چوروں نے شادباغ میں امن مقصود کے گھر سے 14 لاکھ، باٹاپور میں شہباز کے مرغی خانے سے 900 مرغیاں اور 35 پیٹیاں انڈے چوری کرلئے۔ چوروں نے ہڈیارہ میں سے سہیل، مسلم ٹائون میں شعیب، اسلام پورہ میں طارق، نواب ٹائون میں سے افضل کی کاریں جبکہ منا واں میںسے محمو د،شفیق آ با د میںسے بدر، لوئر مال میںسے بلال، باغبانپورہ میں فیاض، شاہدرہ میں احمد، سرور روڈ میں سے نعیم، ہیئر کے علاقہ سے جنید کی موٹرسائیکلیں چوری کرلیں۔