لاہور(سپورٹس رپورٹر+نمائندہ سپورٹس ) پی ٹی آئی کے سینیٹر فیصل جاوید نے کہا ہے کہ پاکستانی کرکٹ ٹیم کوشش کررہی ہے مگر میچ کا اختتام اچھا نہیں ہوپا رہا، کپتان سرفراز احمد سے امیدیں ہیں۔ عمران خان نے ٹیم کو ٹپس دیں تھیں لیکن اْن پر عمل نہیں ہوا، ہوسکتا ہے سرفراز یہ ٹپس ورلڈ کپ میں استعمال کرے۔ ساری ٹیم وہی ہے جس نے چیمپیئنز ٹرافی جیتی تھی۔ سرفراز احمد کو میچ سے پہلے حکمت عملی بنانی ہوگی،امید ہے یہ پاکستانی ٹیم ورلڈ کپ میں کامیاب ہوگی،شعیب ملک ، محمد عامر، شاداب خان اور فخر زمان میچ جتوا سکتے ہیں۔