ویسٹ انڈیز کرکٹ بورڈ نے دورہ انگلینڈ کی باضابطہ منظوری دیدی

لاہور(سپورٹس ڈیسک )ویسٹ انڈیز کرکٹ حکام نے ٹیم کے دورہ انگلینڈ کی باضابطہ منظوری دے دی۔انگلینڈ اور ویسٹ انڈیز کے درمیان تین ٹیسٹ میچوں کی سیریز جون میں شیڈول تھی تاہم کرونا وائرس کے سبب کرکٹ سرگرمیاں معطل ہونے سے اسے اب جولائی میں ممکن بنانے کی کوشش کی جارہی ہے۔ویسٹ انڈیز کرکٹ بورڈ کے ترجمان کا کہنا ہے کہ انگلش بورڈ کی طرف سے سیریز کے مجوزہ پلان کا تفصیلی جائزہ لیاگیاہے۔