شیخوپورہ (نمائندہ خصوصی+ نمائندہ نوائے وقت)مسلم لیگ (ن) اقلیتی ونگ کے ضلعی جنرل سیکرٹری وسیم انجم سندھونے کہا ہے کہ کرونا وائرس حکومتی لاک ڈائون میں نرمی اور اب اضافہ کی تجویز دراصل اسکی اپنی بوکھلاہٹ کامنہ بولتاثبوت ہے کرونا وائرس پر قومی حکمت عملی اختیا ر کرنیکی ضرورت ہے مگراس کیلئے حکومت میں قومی قیادت کا فقدان ہے نواز لیگ اس بات کا مطالبہ کرتی ہے کہ فوری طورپر مشترکہ مفادات کونسل کا اجلاس طلب کرکے حالات کا بغور اور سنجیدگی سے جائزہ لیا جائے نیب کی اب ضرورت اور حیثیت ختم ہوتی جارہی ہے ۔