کشمور (نا مہ نگار )کشمور کے علاقے کھوسہ موری کے مقام پر دوران مرمت 132کی ہائی ٹرانسمیشن لائن کا ٹاور گر گیا، ٹاور پر نجی کمپنی کے 3ملازم نیچے گر گئے2 موقع پر ہی جاں بحق ہوگئے ۔ایک مزدور شدید زخمی ہوگیا تفصیلات کے مطابق  کشمور کے علاقے کھوسہ موری کے مقام پر 132 کے وی کی ہائی ٹرانسمیشن لائن کا ٹاور دوران مرمت کام کرتے ہوئے گر گیا، ٹاور گرنے کی وجہ سے ٹاور پر کام کرنے والے 3مزدور ٹاور سے نیچے گر گئے، ٹاور سے گرنے کے باعث 2مزدورموقع پر جانبحق ہوگئے، ٹاور کی تنصیب کے لئے 7مزدور کام کررہے تھے، زخمی شخص و مزدورں کی لاشوں کو اپنی مدد آپ کے تحت کشمور کے سول ہسپتال منتقل کروادیا گیا ہے ، جانبحق،مزدوروں کی شناخت عبدالوحیدو محمد نوید کے نام سے ہوئی ہے. دوسری جانب زخمی مزدور کا کہنا ہے کہ ٹاور میں ناقص مٹیریل استعمال ہونے کی وجہ گر گیا ہے۔