ابوجہ (اے پی پی)نائیجیریا کی ایک یونیورسٹی کے 14طلبا کو اغوا کے 40 دن بعد اغوا کاروں سے بازیاب کروا لیا گیا۔ فرانسیسی خبر رساں ادارے کے مطابق پولیس کے ترجمان محمد جلج نے میڈیا کو بتایا کہ گرین فیلڈ یونیورسٹی کے 14طلبا کو گزشتہ شام اغوا کاروں سیبازیاب کروا لیا گیا ہے۔ انہوں نے بتایا کہ اغوا کاروں نے طلبا کو وسطی نائیجیریا میں کڈونا ابوجا ایکسپریس وے کے ساتھ منسلک علاقے میں قید کر کے رکھا ہوا تھا۔گزشتہ ماہ 20 اپریل کو اغوا کاروں نے یونیورسٹی پر حملہ کرکے  14 طلبا کو اغوا کرلیا تھا۔ اغوا کاروں کا مسلح گروہ نائیجیریا کے وسطی مغربی اور شمال مغربی علاقوں میں دیہاتوں میں لوٹ مار، مویشیوں کی چوری اور لوگوں کو یرغمال بنانے میں بھی ملوث رہا ہے۔