کراچی (وقائع نگار) پاک امن ویلفیئر ایسوسی ایشن کے چیئرمین سعید احمدبیگ نے ایم این اے آفتاب جہانگیر اور ایم پی اے رابستان خان سے اظہارتشکر کرتے ہوئے کہاہے کہ پاک امن ویلفیئر کی درخواست پر عباسی گوٹھ میں ترقیاتی کام کروانے پر منتخب نمائندگان کو خراج تحسین پیش کرتاہوں ۔انہوں نے کہاکہ عباسی گوٹھ میں سیوریج کی نکاسی کا انتظام انتہائی ضروری تھاکیونکہ بارشوں کی آمد آمد ہے اور پچھلی بارشوں نے جس انداز میں عباسی گوٹھ اور ملحقہ علاقوں میں تباہی مچائی تھی وہ ناقابل بیان ہے  علاقہ مکین آج بھی وہ منظر سوچ کر پریشان ہوجاتے ہیں،علاقہ مکینوں کی اسی پریشانی کو مدنظررکھتے ہوئے پاک امن ویلفیئر نے حکومت سے درخواست کی تھی کہ عباسی گوٹھ میں سیوریج لائن ڈالی جائے جس پر بروقت عمل درآمد کرواتے ہوئے ایم این اے آفتاب جہانگیر اور ایم پی اے رابستان خان نے ذاتی دلچسپی سے سیوریج لائنیں ڈلوانے کا انتظام کیاجس پرہم خاص طورپر عباسی گوٹھ کے مکین ان کے شکرگزارہیں  اور امید کرتے ہیں کہ وہ اسی طرح عوام کی دادرسی کرتے رہیں گے۔