سندھ حکام کا اچانک ہیڈ پنجند دورہ ، پانی کے بہاؤ کی پیمائش 

ملتان(نوائے وقت نیوز)  محکمہ سندھ آبپاشی کے عہدیداروں کا جنوبی پنجاب کے ضلع بہاولپور میں پنجند بیراج کا علی الصبح اچانک دورہ، پانی کے بہاؤ کی پیمائش کی۔ محکمہ آبپاشی کے ایک عہدیدار کے مطابق ، نذیر احمد ایکسئین ڈیزائن گڈو بیراج کی سربراہی میں محکمہ سندھ آبپاشی کی ایک ٹیم نے ہفتے کے روز پنجند بیراج کا اچانک دورہ کیا ، تاکہ ارسا کے اعداد و شمار کے مطابق پانی کے بہاؤ کی مقدار کا پتہ لگایا جاسکے۔ انہوں نے کہا کہپانی کا بہاؤ محکمہ انڈس ریور سسٹم اتھارٹی (IRSA) کو دیئے گئے اعداد و شمار کے مطابق مکمل طور پر درست پایا گیا۔عہدیدار نے کہا کہ  پنجاب کا مؤقف درست قرار پایا، جب دریا کے بہاؤ کی پیمائش کی بات آتی ہے تو پنجاب ہمیشہ درستگی اور شفافیت کا پابند ہے۔ حیرت انگیز دورے کے دوران مشترکہ طور پر دستخط شدہ دستاویز کے مطابق ، پنجنڈ بیراج سے پانی کا بہاؤ 4985کیوسک  ہونا ضروری تھا جبکہ موقع پر 5 ہزار کیوسک پانی کا اخراج ریکارڈ کیا گیا۔