تھری پی پاکستان نمائش،  فیکٹ ایگزیبیشنز  کا شاندار اقدام :عرفان اقبال شیخ

لاہور(کامرس رپورٹر ) ایکسپو سنٹر لاہور میں تھری پی پاکستان کی تین روزہ نمائش میں فیڈریشن آف پاکستان چیمبرز آف کامرس اینڈ انڈسٹری کے صدر عرفان اقبال شیخ نے کہا کہ’’فیکٹ ایگزیبیشنز نے تھری پی پاکستان کی نمائش کا انعقاد کر کے ایک شاندار اقدام اُٹھایا جو پلاسٹک، پرنٹنگ اور پیکجنگ کی صنعت کو جدید ترین مشینری اور ٹیکنالوجی کی طرف راغب کرنے کا موقع فراہم کرے گی۔انہوں نے مزید کہا کہ تھری پی پاکستان پلاسٹک، پرنٹنگ، اور پیکجنگ جیسی نمائشوں نے ہماری صنعتوں کو مضبوط بنانے اور پاکستان کی معیشت کو بلند کرنے میں اہم کردار ادا کیا ہے۔تھری پی پاکستان پلاسٹک، پرنٹنگ، اور پیکجنگ کی تین روزہ نمائش میں آسٹریا، چین، جرمنی، اٹلی، سنگاپور،سپین، سوئیڈن، سوئٹزر لینڈاور یو کے سمیت 15 ممالک کی 150 سے زائد کمپنیوں نے شرکت کی،اوراپنے مثبت اور خاطر خواہ تاثرات کا اظہار کیا۔ تھری پی پاکستان کی تین روزہ نمائش آج اختتام پذیر ہو جائے گی۔