لاہور (نیٹ نیوز) مریم نواز نے عمران خان کی زیک گولڈ سمتھ کیلئے تعریفی ٹویٹس اور دیگر تصاویر پوسٹ کردیں۔ اپنی ٹویٹ میں مریم نواز نے کہا ہے کہ جھوٹے خط، جھوٹی عالمی سازش، قتل کا جھوٹا ڈرامہ فیل ہونے اور تاریخ کے سب سے ناکام لانگ مارچ کے بعد اب اسرائیل وفد بھیجے جانے کا انتشار خان کی ایک اور دو نمبری ہے۔ انہوں نے کہا کہ فتنہ خان پورے پاکستان میں واحد شخص تم ہو جس کا اسرائیل سے براہ راست خاندانی واسطہ ہے۔مریم نواز نے فرح خان اور ان کے شوہر احسن جمیل گجر کے آمدن سے زائد اثاثہ جات اور منی لانڈرنگ کیس میں داخل کرائے گئے جواب پر ردعمل میں کہا ہے کہ  جب چوری کی ہو تو پھر ایسے فرار اختیار کرنے کی کوشش کی جاتی ہے۔ مریم نواز کا کہنا ہے کہ اصل خوف یہ ہے کہ پکڑے گئے تو قدموں کے نشانہ بنی گالا محل تک جائیں گے۔