سندھ بلدیاتی الیکشن کا پہلا مر حلہ  امیدواروں کویکم جون تک انتخابی  نشانات الاٹ کئے جائیں گے

اسلا م آبا د (خصوصی نامہ نگار)الیکشن کمیشن کے جاری کردہ شیڈیول کے مطابق صوبہ سندھ کے بلدیاتی الیکشن کے پہلے مرحلے کے انتخابات کیلئے امیدواروں کو  31 مئی اور یکم جون  2022، (دو دن) تک انتخابی  نشانات الاٹ کئے جائیں گے۔ تفصیلا ت کے مطا بق یہ فیصلہ امیدواروں اور ریٹرننگ افسران کی سہولت کے لئے کیا گیا ہے۔ یہ انتخابی نشانات متعلقہ ریٹرننگ افسران الاٹ کریں گے جبکہ پولنگ کا دن 26 جون ، بروز اتوارہے۔یاد رہے، سندھ بلدیاتی انتخابات پہلے مرحلے میں 14 اضلاع میں 26 جون کو منعقد ہو رہے ہیں۔ دوسرے مرحلے میں  16 اضلاع میں  بلدیاتی انتخابات 24 جولائی 2022 کو ہوں گے۔