وہاڑی : محکمہ لائیو سٹاک کی غفلت ٗ لمپی وائرس سے بیسیوں جانور ہلاک 

وہاڑی ( نامہ نگار +کرائم رپورٹر )شہر اور گردونواح میں لمپی وائرس بڑے جانوروں میں پھیل گیا۔ لمپی وائرس سے درجنوں جانور ہلاک قصاب بیمار جانوروں کو سستے داموں خرید کر گوشت فروخت کرنے لگے۔ مویشی پال غریب نزیر جوئیہ ،محمد اکبر نے بتایا کہ ضلعی انتظامیہ اور محکمہ لائیو اسٹاک کی غفلت اور لاپرواہی سے وہاڑی شہر اور گردونواح کے علاقوں 105,ٹھینگی،بستی واہنی وال کے علاقوں میں بڑے جانوروں میں لمپی وائرس پھیل گیا وائرس پھیلنے کی وجہ سے درجنوں جانور ہلاک ہوگئے۔ اہل علاقہ نے انکشاف کیا کہ قصاب بیمار جانوروں کو سستے داموں خرید کر گوشت بھی فروخت کر رہے ہیں جس سے لمپی وائرس انسانوں میں بھی پھیلنے کا خدشہ ہے۔