جاں بحق افراد کی شناخت بلال،کاشف اور غلام حیدر کے ناموں سے ہوئی ،تعلق احسان پور سے ہے،سکول وین پول سے ٹکرا گئی،بچے معمولی زخمی

مظفر گڑھ،کوٹ ادو،منڈاچوک ،دائرہ دین پناہ،مترو (نامہ نگار،خبرنگار،نمائندہ نوائے وقت) تیز رفتار ٹرک سڑک کنارے کھڑے 6افراد پر چڑھ دوڑا، 3 جاں بحق  دیگرحادثات میں 6افراد جاں بحق ،7زخمی ہو گئے تفصیل کے مطابق احسان پور میں تیز رفتار ٹرک کی بریکیں فیل ہونے پر ٹرک نے سڑک کنارے کھڑے 6 افراد کو کچل ڈالاجن میں سے3 افراد زخموں کی تاب نہ لاتے ہوئے موقع پر جاں بحق ہوگئے اور 3 شدید زخمی ہوگئے۔جاں بحق افراد کی شناخت ریسیکیو ٹیم نے18 سالہ بلال،23سالہ کاشف اور 80 سالہ غلام حیدر کے ناموں سے کی ہے۔جاں بحق افراد کا تعلق احسان پور سے ہے۔زخمیوں کو ہسپتال منتقل کردیا گیا ہے پولیس نے ٹرک کو قبضہ میں لے لیا جبکہ ڈرائیور فرار ہونے میں کامیاب ہوگیا۔پولیس نے مقدمات درج کر لیے۔مترو سے نمائندہ نوائے وقت کے مطابق عزیز قہم چوک سے چکنمبر 171تک ہائی وے کے زیر انتظام سڑک تعمیر کی گئی سڑک کے درمیان میں بجلی کے پول شفٹنگ کے لیے محکمہ ہائی وے نے میپکو سب ڈویژن سردار پور جھنڈیر میں ڈیمانڈ نوٹس بھی ادا کر دیا مگر پولز کو شفٹ نہیں کیا گیا 171w.B  چکنمبر کے بچے علی الصبح سکول وین سے سکول جا رہے تھے کہ وین پولز سے ٹکرا گئی ،لوگوں نے بچوں کو سکول وین سے نکالا جس کے نتیجے میں درجن کے قریب بچے معمولی زخمی ہو گئے جبکہ وین بری طرح تباہ ہو گئی۔رحیم یارخان میں چک229پی کا رہائشی 30سالہ ریاض احمدجواپنے خاندان کی دوخواتین کمسن بچی سمیت موٹر سائیکل پر بنگلہ منٹھار سے واپس اپنے گھرجارہا تھاکہ تیزرفتاری کے باعث موٹرسائیکل سامنے سے آنے والی موٹرسائیکل سے ٹکراگیاجس کے نتیجہ میں ریاض احمد، عائشہ بی بی اور کمسن بچی زخموں کی تاب نہ لاتے ہوئے دم توڑگئی جبکہ خاندان کی ایک خاتون زخمی ہوگئی ۔چک144پی کا رہائشی70سالہ صادق  کو نامعلوم تیزرفتارگاڑی نے کچل ڈالا۔ ڈیرہ غازیخان میں تیز رفتار آئل ٹینکر اور کار کے مابین تصادم ہوا۔ حادثہ کے نتیجہ میں کار میں سوار بلال ودیگر چار افراد شدید زخمی ہوگئے۔یزمان چک نمبر 53 ڈی بی یزمان کا رہائشی پا کستان نیوی میںملازم تنزیل احمد ٹریکٹر ٹرالی سے ٹکرا گیا اور موقع پر ہی جا ں بحق ہو گیا ۔خیرپورٹامیوالی میں زمیندار محمد رمضان بلوچ ٹریکٹر ٹرالی پر بیٹھ کر اپنے دوست کی شادی کا سامان لینے کے لیے خیرپورٹامیوالی جارہاتھا کہ کھنڈاموڑ کے مقام پر ٹریکٹر کو اچانک جمپ لگنے سے نیچے گر گیا اور ٹرالی کا ویل اوپر سے گزرنے پر موقع پرجاں بحق ہو گیا ۔