وہاب ریاض کا اولمپک ایسوسی ایشن سے دفتر خالی کروا کر کھلاڑیوں کیلئے کلینک بنانیکا فیصلہ

لاہور(سپورٹس رپورٹر) پنجاب اسپورٹس بورڈ نے  پنجاب اولمپک ایسوسی ایشن سے دفتر خالی کروانے کا فیصلہ کرلیا۔مشیر کھیل پنجاب وہاب ریاض کی ہدایات پر دفتر خالی کروانے کا فیصلہ کیا گیا ہے جس سلسلے میں ایڈمنسٹریٹر نیشنل ہاکی سٹیڈیم نے پنجاب اولمپک ایسوسی ایشن کے دفتر کو خالی کرنے کے لیے خط لکھا ہے۔ نیشنل ہاکی سٹیڈیم میں پنجاب اولمپک آفس سے متصل جگہ پرسپورٹس میڈیسن کلینک بنایا جا رہا ہے، کلینک کھلاڑیوں کی انجریز سمیت دیگر مسائل کے حل کیلئے بنایا جا رہا ہے۔سپورٹس میڈیسن کلینک کیلئے جگہ کم ہونے پر پنجاب اولمپک سے دفتر خالی کروانے کا فیصلہ کیا گیا ہے۔