لاہور(سپورٹس رپورٹر) 398 میڈلز کیساتھ آرمی نے مسلسل 24 ویں بار نیشنل گیمز اپنے نام کر لیں۔کوئٹہ میں ہونے والی 34 ویں نیشنل گیمز میں آرمی نے 199 گولڈ میڈلز سمیت 398 میڈلز حاصل کیے، 133 سلور اور 66 برانز میڈلز بھی جیتے۔مسلسل 24 ویں مرتبہ نیشنل گیمز کا ٹائٹل اپنے نام کیا ہے۔واپڈا کا دستہ 109 گولڈ میڈلز کے اتھ دوسرے نمبر پر رہا، 101 سلور اور 80 برانز میڈلز بھی حاصل کیے جبکہ نیوی نے 28 گولڈ میڈلز سمیت 109 میڈلز لیے اور تیسری پوزیشن حاصل کی۔چوتھے نمبر پر ائیر فورس نے 8 گولڈ، 24 سلور اور 42 برانز میڈلز جیتے۔ ایچ ای سی نے 8 گولڈ، 17 سلور اور 93 برانز میڈلز حاصل کیے۔سندھ نے 4 گولڈ ، 16 سلور اور 23 برانز میڈلز جیتے جبکہ خیبر پختو نخوا نے 4 گولڈ، 6 سلور اور 39 برانز میڈلز جیت کر ساتویں پوزیشن لی، پنجاب نے 3 گولڈ، 11 سلور اور 53 برانز میڈلز جیتے۔ریلویز کا دستہ بھی 3 گولڈ میڈلز جیتنے میں کامیاب رہا ‘ 8 سلور اور 25 برانز میڈلز بھی جیتے۔ بلوچستان نے 2 گولڈ، 18 سلور اور 30 برانز میڈلز اپنے نام کیے۔پولیس نے ایک گولڈ، 2 سلور اور 12 برانز میڈلز جیتے جبکہ اسلام آباد نے7 برانز میڈلز جیتے جبکہ گلگت بلتستان اور آزاد کشمیر کوئی بھی میڈل نہ لے سکے۔