شیخوپورہ (سلطان حمید راہی،ڈاکٹر شیخ جمیل اختر،سیف الرحمن سیفی)شیخوپورہ کے بخشی خانہ میں جیل سے لائے جانے والے حوالاتیوں میں وسیع پیمانے پر منشیات کی فروخت کا دھندا کیا جارہا ہے بخشی خانہ میں پولیس کے بعض اہلکار حوالاتیوں میں منشیات جس میں آئس، چرس، افیون، وغیرہ سپلائی کرتے ہیں او ر پھر حوالاتی منشیات کو مختلف بڑے کیپسول میں ڈال کر شاپر چڑھا کر نگل لیتے ہیں اور جیل جا کر مختلف طریقوں سے اسے معدہ سے نکال کر نشہ کیا جاتا ہے اس بات کا انکشاف گزشتہ روز اس وقت ہوا جب جیل سے لایا جانے والا قیدی عمران جو نشے کا عادی تھا بخشی خانے میں اسے آئس کے کیپسول نامعلوم پولیس ملازمین نے فراہم کیے جو اس نے پلاسٹک تھیلی میں ڈال کر کھالیے تاہم جیل پہنچنے پر مبینہ طور پر کیپسول جسم کے اندر ہی پھٹ گیا جس سے اس کی حالت خراب ہو گئی جب اسے ہسپتال لایا گیا تو وہ جاں بحق ہو گیا۔