گوجرانوالہ (نمائندہ خصوصی )مکی روڈ پر مبینہ پولیس مقابلہ کے دوران دو ڈاکو زخمی حالت میں گرفتار ،  تھانہ سبزی منڈی پولیس نے مکی روڈپر ناکہ بندی کر رکھی تھی کہ دوموٹر سائیکلوں پر سوار چار افراد کو چیکنگ کیلئے رکنے کا شارہ کیا جس پر ملزمان نے پولیس اہلکاروں پر اچانک فائرنگ کر دی۔ جوابی فائرنگ کے بعد پولیس نے جا کر دیکھا کہ دو ڈاکو زخمی حالت میں پڑے تھے جو اپنے ہی ساتھیوں کی فائرنگ سے مبینہ طور پر زخمی ہو گئے تھے ۔ڈاکوئوں کی شناخت عدنان اور خلیل کے نام سے ہوئی ہے۔