لاہور (خبر نگار) لاہور ہائیکورٹ کے جسٹس شاہد کریم نے گندم درآمد کرنے کے خلاف جوڈیشل انکوائری کیلئے درخواست میں نیب کو فریق بنانے کی درخواست منظور کر لی، عدالت نے پنجاب حکومت، نیب سمیت فریقین کو جواب داخل کرانے کی ہدایت کر دی۔ جوڈیشل ایکٹوزم پینل کے سربراہ اظہر صدیق ایڈووکیٹ نے مؤقف اختیار کیا کہ نگران حکومت نے گندم کی موجود ہونے کے باوجود اسے در آمد کیا،گندم درآمد کرنے کی کوئی ضرورت نہیں تھی۔