پیرمحل(نا مہ نگار) مقابلے میں خطر ناک ڈاکو اپنے ہی ساتھیوں کی فائرنگ سے ہلاک ہو گیا۔ ڈا کو ئوں کے 3رکنی مسلح گروہ نے راہگیروں کو لوٹنے کے بعد راہ فرار اختیار کی تو سیم پل کھیکھا روڑ پر ناکہ بندی کے دوران ڈا کوئوں کا پولیس سے آمنا سامنا ہوا تو ڈا کوئوں نے فا ئرنگ شروع کر دی جبکہ حق حفاظت خود اختیاری کے تحت پو لیس نے بھی جوابی فائرنگ کر ڈالی‘ بعد ازاں سرچ آپریشن کے دوران 1ڈاکو اپنے ہی ساتھیوں کی فائرنگ سے مردہ حالت میں پایا گیا۔ پی آر او عطاء اللہ کا کہنا تھا ہلاک ہو نے والے ڈاکو کے زیر استعمال اسلحہ اور لو ٹا ہوا سامان تحویل میں لے لیا گیا جبکہ ہلاک ڈا کو کی شناخت محمد قاسم سکنہ 143ج ب کے نام سے ہو ئی۔