لاہور(سپورٹس رپورٹر)کرکٹ آسٹریلیا نے پاکستان فین زونز کی ٹکٹوں کا اعلان کر دیا، تمام وینیوز کیلئے فین زونز کی ٹکٹیں 30سے 45 آسٹریلین ڈالرز تک مقرر کی گئی ہیں۔میلبورن ون ڈے کیلئے پاکستان فین زون کی ٹکٹ کی قیمت 30ڈالرز مقرر کی گئی ہے جبکہ ایڈیلیڈ اور پرتھ ون ڈے میچز کی ٹکٹوں کی قیمت 45ڈالر رکھی گئی ہے، جو پری سیل میں 39ڈالر میں بک کی جا سکتی ہے۔برسبین اور سڈنی میں پاکستان فین زونز کی ٹکٹ کی قیمت 30ڈالر مقرر کی گئی ہے۔ ہوبارٹ میں میچ کیلئے ٹکٹ کی قیمت 45ڈالر مقرر ہے جو پری سیل میں 39ڈالر کی بک کی جا سکتی ہے۔ ٹکٹوں کی پری سیل 4جون سے شروع ہو گی جس کیلئے 3جون تک رجسٹر کرنا لازمی ہے، بغیر رجسٹریشن کے ٹکٹوں کی جنرل سیل 14 جون سے شروع ہو گی۔پاکستان کرکٹ ٹیم نے نومبر میں آسٹریلیا کا دورہ کرنا ہے، دورے میں قومی ٹیم 6 وائٹ بال سیریز کے میچز کھیلے گی۔