لاہور(سپورٹس رپورٹر)ہسپانوی ٹینس سٹار کارلوس الکاراز، اٹلی کے جینک سنر، روسی آندرے روبلوف اور یونانی سٹیفانوس فرنچ اوپن ٹینس میں مینز سنگلز مقابلوں کے تیسرے رائونڈ میں پہنچ گئے۔مینز سنگلز مقابلوں کے دوسرے رائونڈ میں سپین کے کارلوس الکاراز نے نیدرلینڈز کے جیسپر ڈی جونگ کو 3-6، 4-6،6-2، 2-6 سے شکست دے کر تیسرے رائونڈ کیلئے کوالیفائی کرلیا۔اٹلی کے جینک سنر نے میزبان  رچرڈ گیسکٹ کو 4-6، 2-6اور 4-6سے شکست دی۔روسی آندرے روبلوف نے دوسرے رائونڈ میں ہسپانوی پیڈرو مارٹینز پورٹرو کو  3-6، 4-6اور 3-6سے شکست دی۔ یونانی سٹیفانوس نے جرمن ڈینیل آلٹمیئر 3-6، 2-6، 7-6(7-2)اور 4-6سے ہرایا۔سوئٹزرلینڈ کے سٹین واورینکااور میزبان ٹینس سٹار رچرڈ گیسکٹ دوسرے رائونڈ میں ہارکر میگا ایونٹ سے باہر ہوگئے۔