کاہنہ(نامہ نگار)کاہنہ میں مٹی کے برتن بنانے والی فیکٹری کے مالک اورچرواہے کی ہاتھاپائی۔ چرواہا زمین پرگرکر ہلاک ہوگیا۔ آہلوروڈ پر عاشق نامی چرواہے کی بکریاں انورنامی شخص کی مٹی کے برتن بنانے والی فیکٹری میں جاگھسیں اورتازہ بنا برتن توڑدیا۔ فیکٹری مالک انور اور چرواہے عاشق کے درمیان ہاتھاپائی ہوئی ۔55سالہ چرواہاعاشق زمین پر گرگیا‘ ہسپتال پہنچایا گیا مگر وہ دم توڑ گیا۔ ایس پی کاہنہ سرکل عبداللہ نے بتایاکہ ابھی اس بات کی تصدیق نہیں ہوئی کہ متوفی کی موت تشدد سے ہوئی یاہارٹ اٹیک سے ‘ نعش پوسٹمارٹم کیلئے بھجوادی ۔