نئی دہلی (اے پی پی) بھارتی فلم ’’لندن ڈریمز‘‘ ریلیز ہوتے ہی ہندو انتہا پسندوں نے فلم کیخلاف مظاہرے شروع کر دیئے ہیں۔ ذرائع ابلاغ کی رپورٹ کے مطابق جمعہ کو بھارت میں ریلیز ہونے والی فلم لندن ڈریمز کی خلاف بھارتی شہر لدھیانہ میں ہندو انتہاپسندوں نے مظاہروں کا آغاز کر دیا ہے۔ لدھیانہ کے شہریوں نے فلم میں ایک مذہبی بھجن کو راک کنسرٹ کے انداز میں عکس بند کیا گیا ہے۔ مظاہرے کے دوران انتہا پسند ہندوؤں نے فلم پرڈیوسر کیخلاف رپٹ بھی درج کروائی ہے۔ اس فلم کے نمایاں اداکاروں میں سلمان خان اور اجے دیوگن شامل ہیں۔