لاہور (سپورٹس رپورٹر) پی ایچ ایف اکیڈمی لاہور کے کوچ عبدالوحید خان عرف بلو خان کے انتقال پر پاکستان ہاکی فیڈریشن کے صدر قاسم ضیاءاور سیکرٹری آصف باجوہ نے گہرے دکھ و افسوس کا اظہار کیا ہے۔ مرحوم کے لئے دعائے مغفرت کرتے ہوئے ان کا کہنا تھا کہ بلو خان ہاکی سے پیار کرنے والے شخص تھا اور اس نے اپنی زندگی ہاکی کی خدمت کے لئے وقف کر رکھی تھی۔ اﷲ تعالٰی مرحوم کو جنت الفردوس میں اعلیٰ مقام عطا کرے جبکہ ان کے خاندان کو یہ صدمہ برداشت کرنے کی توفیق عطا کرے۔