رواں ہفتے جنوبی بحیرہ چین میں امریکی بحری جہاز کا گشت خطرناک تھا: چین

بیجنگ (این این آئی) چین کی بحریہ کے سربراہ نے اپنے امریکی ہم منصب کو بتایا ہے کہ رواں ہفتے جنوبی بحیرہ چین میں بیجنگ کے تعمیر کردہ مصنوعی جزائر کے قریب امریکی بحری جہاز کا گشت خطرناک اور اشتعال انگیز تھا۔یہ بیان ایک وڈیو کانفرنس کے دوران سامنے آیا۔
امریکی دفاعی حکام نے بات چیت کو پیشہ وارانہ اور بامعنی قرار دیتے ہوئے کہا کہ طرفین نے قواعد و ضوابط پر کاربند رہتے ہوئے تصادم سے بچنے کیلئے باقاعدگی سے مذاکرات کرنے پر اتفاق کیا چینی میڈیا کے مطابق وو کا کہنا تھا کہ ایسے اشتعال انگیز اور خطرناک اقدام چین کی خودمختاری اور سلامتی کے لیے خطرہ اور خطے میں امن و استحکام کیلئے نقصان دہ ہیں۔