لاہور (سپورٹس رپورٹر) 8ویں جونیئر ایشیا کپ ہاکی ٹورنامنٹ میں شرکت کرنے والی پاکستان ہاکی ٹیم کے انتخاب کے لیے ٹرائل آج جوہر ہاکی سٹیڈیم میں ہونگے۔ پاکستان ہاکی فیڈریشن نے میگا ایونٹ کی تیاری کے لیے تربیتی کیمپ میں 36 کھلاڑیوں کو طلب کیا تھا جن کے پاکستان وائٹس کے ساتھ تین پریکٹس میچز بھی کرائے گئے تھے۔ جس میں پاکستان وائٹس ٹیم نے جونیئر ٹیم کے خلاف دو ایک سے کامیابی حاصل کی تھی۔ پریکٹس میچز کرانے کا مقصد جونیئر کھلاڑیوں کو زیادہ سے زیادہ۔ میچ پریکٹس مہیا کرنا تھا۔ سلیکشن کمیٹی کے چیئرمین عبدالرشید ،اراکین فرحت حسین ،وسیم فیروز ،سعید خان اور قاسم خان کھلاڑیوں کی پرفارمنس کا جائزہ لے کر اپنی سفارشات پی ایچ ایف کے صدر کو دیں گے ۔