باسل (سپورٹس ڈیسک) چھ مرتبہ کے چیمپئن راجر فیڈرر نے سوئس انڈورز ٹینس ٹورنامنٹ کے کوارٹر فائنل میں جگہ بنا لی۔ سوئٹزرلینڈ کے شہر باسل میں جاری مینز سنگز ایونٹ کے پری کوارٹر فائنل مرحلے میں ٹاپ سیڈڈ سوئٹزلینڈ کے راجر فیڈرر نے جرمنی کے فلپ کولشرائبر کو دلچسپ مقابلے کے بعد 6-4 ، 4-6 اور 6-4 سے شکست دے کر کوارٹر فائنل کیلئے کوالیفائی کیا جہاں ان کا مقابلہ بیلجیئم کے ڈیوڈ گوفن سے ہوگا۔ واضح رہے کہ فیڈرر یہ ٹورنامنٹ چھ بار جیت چکے ہیں۔