میلسی (خبرنگار) میلسی آج بھی بھٹو کے دیوانوں کی سر زمین ہے۔ بھٹو کی سیاست اور خدمت پاکستانیوں کے دل و دماغ پر چھائی ہوئی ہے ان خیالات کا اظہار پیپلز پارٹی کے ضلعی صدر و سابق ممبر قومی اسمبلی خان محمود حیات خان عرف ٹوچی خان نے وارڈ نمبر 5میں بلاول بھٹو کی میلسی آمد پر کارنر میٹنگ سے خطاب کرتے ہو کیا ۔ انہوں نے کہا کہ جنوبی پنجاب میں عام آدمی کرپشن اور بیوروکریسی کے ہاتھوں پس رہا ہے۔گزشتہ دور حکومت میں جنوبی پنجاب کی پسماندگی کے خاتمے کو ترجیح دی گی تھی ، مگر آ ج پھر سے جنوبی پنجاب نظر اندازی کا شکار ہو کر پسماندگی کا شکار ہوتا جارہا ہے عام آدمی کی نظریں پھر سے بھٹو کے جانشین بلاول بھٹو پر لگی ہوئی ہیںجو کہ 17دسمبر میلسی پر عوام کو اپنا منشور دیں گے ۔ اس موقع پر تحصیل صدر چوہدری بلال احمد ایڈووکیٹ ، ،خضر عباس شاہ نے بھی خطاب کیا اس تقریب میں ،محمد قاسم ریاض ،رانا مظہر الحق،رانا ضیا ء الحق ،محمد عمران شیروانی ،زبیر خان گوانس ،ملک محمد جمیل ،شیخ عبدالجبار ،شیخ عزیز الرحمن سونا ،چوہدری ممتاز حسین سمیت سینکڑوں کی تعداد میں لوگ موجود تھے ۔