گوجرانوالہ(نمائندہ خصوصی ) پولیس نے معذور بن کر بھیک مانگنے والے گداگروں کو حراست میں لیکر میڈیکل کیلئے ہسپتال منتقل کر دیا، شیر جوانوں نے زیر حراست گداگروں کو ہتھکڑیاں انہیں کے ہاتھوں میں تھما دیں۔ تفصیلات کے مطابق تھانہ اروپ اور کوتوالی پولیس نے مختلف علاقوں میں کریک ڈائون کے دوران متعدد بھکاریوں کو حراست میں لیا جس میں سے مبینہ طور پر معذوری کا بہانہ بنانیوالے چار گداگروں کو ہتھکڑیاں لگا کر میڈیکل کیلئے ڈسٹرکٹ ہسپتال منتقل کیا گیا۔ اس موقع پر شیر جوانوں نے میڈیکل کیلئے لائے جانیوالے بھکاریوں کی ہتھکڑیاں خود پکڑنے کی بجائے انہیں کے ہاتھوں میں تھمادیں۔ پو لیس اہلکاروں کا کہنا تھا کہ زیر حراست گداگروں کو میڈیکل کے بعد جیل منتقل کر دیا جائے گا۔