فلم سٹار ارمینا رانا کا دورہ شوکت خانم کینسر ہسپتال

لاہور ( پ ر) شوبز کی مشہور فلم سٹار ارمینا رانا خان نے شوکت خانم میموریل کینسر ہسپتال اینڈ ریسرچ سنٹر کا دورہ کیا جہاں پر وہ مریضوں اور ہسپتال کے سٹاف کی زبردست مہمان نوازی سے حیران رہ گئیں۔ ان کا کہنا تھا کہ میں نے اپنی زندگی میں پہلی مرتبہ بے انتہا محبت‘ اعتماد اور امید کا تجربہ کیا جس کو بیان نہیں کیا جاسکتا۔ ہسپتال میں ہر مریض کو بہت توجہ دی جاتی ہے جس کی کسی اور جگہ مثال ڈھونڈنا مشکل ہے۔ ارمینا نے کہا کہ وہ اپنے اس تجربہ کو دنیا بھر میں پھیلائیں گی کہ پاکستان میں محبت کے اصل رنگ دیکھنے ہوں تو شوکت خانم کینسر ہسپتال بہترین جگہ ہے۔