واشنگٹن(نیٹ نیوز)کیلیفورنیا کے علاقے لانگ بیچ میں ایک گھر میں جاری ہیلوین پارٹی کے دوران فائرنگ سے 3 افراد ہلاک اور 9 زخمی ہوگئے۔لانگ بیچ پولیس ڈپارٹمنٹ کے ترجمان کیرن اوینز کا کہنا تھا جب فائر فائٹرز جائے وقوع پر پہنچے تو وہاں افراتفری مچی ہوئی تھی'۔ان کا کہنا تھا کہ 'ایک مشتبہ شخص موقع سے فرار ہوگیا ہے'۔پولیس کا کہنا تھا کہ ہلاک ہونے والے تینوں افراد نوجوان لڑکے تھے جن کی عمر 20 سال کے قریب تھی۔کیرن اوینز کا کہنا تھا کہ 'رہائشی علاقے میں کچھ لوگ ہیلوین کی مناسبت سے لباس پہنے ایک پارٹی میں شریک تھے کہ وہاں فائرنگ ہوئی'۔لاس اینجلس ٹائمز کی رپورٹ کے مطابق چند مقامی افراد کا کہنا تھا کہ گھر سے 20 کے قریب فائر کی آوازیں آئی تھیں۔