مہوش اورہمایوں”لندن نہیں جاوں گا“ میں بھی ایک ساتھ

 اداکارہ مہوش حیات نے ’پنجاب نہیں جاﺅں گی ‘ کے بعد ’لندن نہیں جاﺅں گا ‘ میں بھی ہمایوں سعید کے ہمراہ نظر آئیں گی۔ہمایوں سعید اور مہوش حیات کی جوڑی ایک بار پھر سلور اسکرین پر جلوہ بکھیرتی نظر آئیں گی اور اس حوالے سے اداکار اور ہدایتکار ندیم بیگ نے ایک ویب سائیٹ کو دیئے گئے انٹرویو میں تصدیق کرتے ہوئے کہا کہ 2020 میں ریلیز ہونے والی فلم ’لندن نہیں جاﺅں گا‘ میں ہمایوں سعید کے ہمراہ مہوش حیات بھی مرکزی کردار ادا کریں گی۔ندیم بیگ نے یہ بھی تردید کرتے ہوئے کہا کہ فلم ’لندن نہیں جاﺅں گا‘ 2017 میں ریلیز ہونے والی فلم ’پنجاب نہیں جاﺅں گی ‘ کا سیکوئل نہیں ہے کیوں کہ اس فلم کی کہانی مکمل طور پر مختلف ہے جسے خلیل الرحمان قمر نے لکھا ہے۔ہدایتکار نے کہا کہ 2020 میں فلم ’لندن نہیں جاﺅں گا‘ کے ساتھ ہمایوں سعید کے ساتھ ایک اور فلم بنائی جا رہی ہے لیکن اب تک یہ فیصلہ نہیں ہو سکا ہے کہ کس فلم کی شوٹنگ پہلے شروع کی جائے گی کیوں کہ یہ اسکرپٹ پر انحصار کرتا ہے کہ کون سا اسکرپٹ پہلے تیار ہو کر آتا ہے۔