جونئیر ہاکی ورلڈ کپ ‘2 ر روزہ ٹرائلز ، 21رکنی قومی سکواڈ کا اعلان 

لاہور+اسلام آباد(سپورٹس رپورٹر + نیو ز رپورٹر ) بھارت میں کھیلے جانیوالے جونیئر ہاکی ورلڈ کپ کیلئے دور روزہ ٹرائلز کے بعد پاکستان ہاکی فیڈریشن نے 21رکنی قومی جونیئر ہاکی سکواڈ کا اعلان کردیا ہے ۔ صدر پاکستان ہاکی فیڈریشن برگیڈیئررخالد سجاد کھوکھر نے قومی ہاکی سلیکشن کمیٹی کی جانب سے منتخب کردہ جونیئر ہاکی سکواڈ کی منظوری دیدی، منتخب شدہ جونیئر ہاکی سکواڈ میں سے 18 رکنی قومی جونیئر ہاکی ٹیم مزید شارٹ لسٹ کی جائیگی۔۔ قومی ہاکی سلیکشن کمیٹی ارکان اولمپیئن کلیم اللہ خان، اولمپین خالد حمید، اولمپین ناصر علی، اولمپین ایاز محمود اور اولمپیئن وسیم فیروز نے کھلاڑیوں کی صلاحیتوں کو جانچا ۔ پاکستان ہاکی فیڈریشن کی جانب سے کھلاڑیوں کی تربیت کیلئے ہیڈ کوچ قومی جونیئر ہاکی ٹیم اولمپین دانش کلیم کی زیرنگرانی 29رکنی تربیتی ہاکی کیمپ 14اکتوبر کو لگایا گیا تھا جس کے اختتام پر دو روزہ ٹرائلز میں قومی جونیئر ہاکی سکواڈ منتخب کیا گیا۔