کراچی (اسپورٹس رپورٹر) چیف آف دی آرمی اسٹاف پاکستان اوپن انٹرنیشنل (G1) تائیکوانڈو چیمپئن شپ میں شرکت کیلئے  550 سے زائد انٹرنیشنل اور نیشنل کھلاڑیوں کی رجسٹریشن کاعمل مکمل کرلیا گیا ہے غیرملکی کھلاڑیوں کی آمد 4 نومبر سے ہوگی لیاقت جمنازیم پاکستان سپورٹس کمپلیکس اسلام آباد میں کھیلے جانے والے اس میگا ایونٹ کی میزبانی پاکستان تائیکوانڈوفیڈریشن کررہی ہے ۔6 تا 8 نومبر تک کھیلے جانے والے مذکورہ ایونٹ کے لیے دنیا بھر کے مختلف ممالک سے بہترین کھلاڑی اسلام آباد آرہے ہیں پاکستان تائیکوانڈو فیڈریشن کے صدر لیفٹیننٹ کرنل (ریٹائرڈ) وسیم احمدجنموعہ کے مطابق ایونٹ میں نوجوان اور سینیئر کھلاڑی حصہ لے رہے ہیں چیمپئین شپ کو بین الاقوامی اور قومی ریفریز سپروائزکریں گے ۔