ترجمان پاک بحریہ کے مطابق پاک بحریہ کی ترکی میں منعقدہ کثیر الملکی مشق ”نصرت“ میں شرکت کی ہے۔اس مشق میں مختلف ممالک بشمول آذربائیجان، بنگلہ دیش، بیلجیم، بلغاریہ، جرمنی، عراق، لیبیا، عمان، کوریا، رومانیہ اور تنزانیہ کی اسپیشل آپریشنز فورسز نے بھی حصہ لیا۔ مشق میں زیرِ آب دھماکہ خیز مواد کو ناکارہ بنانے اور سمندر میں بارودی سرنگوں سے نمٹنے سے متعلق آپریشنز شامل تھے۔ مشق کا مقصد دیگر ممالک کی اسپیشل آپریشنز فورسز کے ساتھ مشترکہ آپریشن کی صلاحیتوں کو فروغ دینا تھا۔
ترجمان پاک بحریہ نے بتایاکےپاک بحریہ کے دستے کی مشق میں شرکت سے دیگر ممالک کی افواج کے ساتھ تجربات کے تبادلے اور تعلقات کو فروغ ملے گا۔