گرین شرٹس کا فین ہوں، پاکستان 2 میچز قریب آکر ہارا‘مایوسی ہوئی: ڈیرن سیمی

لاہور(سپورٹس رپورٹر)ویسٹ انڈیز کے سابق کپتان ڈیرن سیمی نے کہاہے کہ ٹی ٹونٹی ورلڈکپ میں پاکستان جس طرح دو میچز قریب آکر ہارا اس سے مایوسی ہوئی۔ ٹی ٹونٹی میں بہادری کا مظاہرہ کرنا ہوتا ہے، پاکستان کو بھی آگے بڑھنے کیلئے دلیرانہ کرکٹ کھیلنا ہوگی۔ شاہین شاہ مکمل فٹ نظر نہیں آرہے 2022 میں 2021 والے شاہین آفریدی نظر نہیں آئے۔میں پاکستان کرکٹ کا فین ہوں، زمبابوے اور بھارت کیخلاف پاکستان نے حریف کو میچ میں آنے کی اجازت دی، پاکستان جس پوزیشن پر تھا وہاں سے دونوں میچز جیتنا چاہیے تھے۔