کراچی(اے پی پی)دی سٹی اسکول کے یحیی شاہ کی شاندار ڈبل سینچری کی بدولت ان کی ٹیم نے حیات اسکول کو 237رنز کے بھاری مارجن سے شکست دے دی جبکہ دوسرے میچ میں سیف اللہ کی سینچری کی وجہ سے غلام حسین ہدایت اللہ اسکول نے نور محمد اسکول کے خلاف 17رنز سے کامیابی حاصل کی۔ سندھ کرکٹ ایسوسی ایشن کے زیر اہتمام اور حکومت سندھ کے تعاون سے جاری سندھ انٹر اسکول کرکٹ ٹورنامنٹ حیدرباد سینٹر کے پہلے میچ میں گورنمنٹ ڈگری کالج لطیف باد گرائونڈ پر غلام حسین ہدایت اللہ اسکول نے 183رنز اسکور کیے۔ سیف اللہ نے شاندار سینچری اسکور کی اور 101رنز بنائے جس میں 10چوکے اور2چھکے شامل تھے۔ محسن علی نے 27رنز کا اضافہ کیا۔ جواب میں نور محمد اسکول کی ٹیم 166رنز پر ہمت ہار گئی۔ ایم حسان نے 87رنز کی عمدہ اننگ کھیلی۔ دوسرے میچ میں دی سٹی اسکول نے پہلے کھیلتے ہوے تین وکٹوں پر 273رنز بنائے۔ یحیی شاہ نے ٹورنامنٹ کی پہلی ڈبل سینچری اسکور کرے کا اعزاز حاصل کیا اور207رنز کی طوفانی اننگز کھیلی جس میں 15چوکے اور 18چھکے شامل تھے، ساتھ ہی وہ مین ف دی میچ ایوارڈ کے حقدار قرار پائے۔ احسن خان نے40رنز کا اضافہ کیا۔ جواب میں حیات اسکول صرف36رنز بناسکی۔ ایم خزیر نے چار، ریان عاطف اور ایان ابڑو نے دو دو وکٹیں حاصل کیں۔