چشتیاں سے حاصل پور جانے والی کار کھائی میں جاگری‘ 3 افراد جاں بحق‘ 8 زخمی

چشتیاں (نامہ نگار) چشتیاں سے حاصل پور جانے والی کار موٹر سائیکل سواروں کو روند کر کھائی میں جاگری۔ 3 افراد جاں بحق اور 8زخمی ہو گئے۔ تفصیل کے مطابق سوزوکی مہران کار جس میں جٹوہالا بہاولنگر کی فیملی سوار تھی‘ چشتیاں سے حاصل پور جا رہی تھی کہ موڑ کاٹتے ہوئے کار تیز رفتاری کی بنا پر بے قابو ہوکر سامنے سے آنے والے موٹر سائیکل سے ٹکرانے کے بعد قلابازیاں کھاتی ہوئی کھائی میں جا گری جس کے نتیجہ میں موٹر سائیکل سوار کانسٹیبل رانا نصیب خان‘  محمد بلال‘ دعا بی بی جاں بحق ہو گئے جبکہ تبسم بی بی‘ محمد ابراہیم‘ کار سوار شفقت بی بی‘ سدرہ بی بی‘ صبیحہ بی بی‘ مناہل فاطمہ‘ محمد احمد شدید زخمی ہو گئے۔ المناک حادثہ کی اطلاع ملنے پر ریسکیو 1122 نے جاں بحق اور زخمی ہونے والوں کو فوری تحصیل ہسپتال چشتیاں پہنچایا۔ شدید زخمیوں کو وکٹوریہ ہسپتال بہاولپور شفٹ کیا گیا۔
چشیاں/ حادثہ