ملتان(سپورٹس ڈیسک) پاکستان تھروبال فیڈریشن کے زیراہتمام اور سندھ تھروبال ایسوسی ایشن کے تعاون 11ویں کلیگن بوائز اینڈ گرلز تھروبال چیمپیئن شپ یکم نومبر سے سٹی سکول، کراچی میں شروع ہو گی۔ گزشتہ روز پاکستان تھروبال فیڈریشن کے سیکرٹری جنرل مقبول آرائیں نے بتایا کہ چیمپین شپ کی تیاریاں شروع ہیں اور ایونٹ میں ملک بھر سے 50 کے قریب سکولز، کالجز اور یونیورسٹیز کی طلباء و طالبات کی ٹیمیں حصہ لیں گی۔ 

ایونٹ کے سیمی فائنل اور فائنل مقابلے 4 اور 5 نومبر کو کھیلے جائیں گے۔ ٹورنامنٹ کی اختتامی تقریب 5 نومبر کو شام ساڑھے چار بجے منعقد ہوگی۔ جس میں کامیابی حاصل کرنے والی ٹیموں کے کھلاڑیوں میں ٹرافیاں، میڈلز اور اسناد تقسیم کی جائیں گی۔ مزید معلومات کے لئے فون نمبر 03213077577 یا ای میل throwballpak@gmail.com پر رابطہ قائم کیا جاسکتا ہے۔