ملتان (جنرل رپورٹر) رائل آرچرڈ ملتان کے سپورٹس گراﺅنڈ میں پانچویں رائل سپر لیگ کے دوسرے روز کے پہلے میچ میں رائل آرچرڈ ملتان کی ٹیم نے رائل آرچرڈ ساہیوال کی ٹیم کو 29سکور سے ہرا دیا جبکہ دوسرا میچ رائل ڈیلرز اور رائل آ رچرڈ سرگودھا کی ٹیموں کے درمیان رات گئے تک جاری رہا، پہلے میچ کے مین آف دی میچ مہران سانول قرار پائے اس موقع پر رائل آرچرڈ ملتان کے جی ایم سیلز مارکیٹنگ اینڈ فنانس ملک عبد الروف نے کہا رائل سپر لیگ کا پانچویں سیزن میں شرکاءکے لئے قرعہ اندازی کے زریعے بے شمار انعامات دئے جارہے روزانہ فیملی گالا ہور ہا ھے اور انعامات کی بارش بھی ہورہی ھے، انہوں نے کہا کہ پانچویں سپر لیگ کے اختتام پر فیملی گالا کے ساتھ میوزیکل نائٹ بھی ہوگی جسمیں سنگر ساحر علی بگا اور ملکو پرفارم کرینگے انہوں نے بتایا فیملی میوزیکل نائٹ میں داخلہ بالکل فری ہو گا اس موقع پرعثمان ،نوید سہرانی ، سرور اقبال کھوکھر،سردار صفدر حسین ،نواز رانجھا جمشید احمد رانا محمد بلال بھی موجود تھے۔ یہ ایونٹ 6نومبر تک روزانہ دوپہر 2بجے سے رات تک رائل آرچرڈ ہاﺅسنگ سوسائٹی ملتان میں جاری رہے گا ۔